سه‌رۆك عراقى "نامه‌ى ئاشتى" ئيرانى ره‌سنێده سێ وڵات عه‌ره‌بى
شه‌فه‌ق نيوز/ باڵيۆز عراقى له ته‌هران، ئاشكراى ئه‌وه كرد ك به‌رهه‌م ساڵح سه‌رۆك كۆمار عراق نامه له ئيرانه‌و ره‌سانه‌سه هه‌ر يه‌ك له سعوديه‌و ئيمارات و به‌حره‌ين، له‌باره‌ى پيشنيار ئمزاكردن له‌بان په‌يماننامه‌ى ده‌سدريژى نه‌كردن.
له‌ى باوه‌ته‌و، ئاژانس ته‌له‌به‌ى ئيران "ئيسنا" له زووان سعه‌د عه‌بدولوه‌هاب جه‌واد قه‌نديل باڵيۆز عراقى وت: عراق خوه‌شاڵ بويه وه‌و پيشنياره ك محه‌مه‌د جه‌واد زه‌ريف وه‌زير خارجيه‌ى ئيرانى ئاشكراى كردگه(په‌يماننامه‌ى ده‌سدريژى نه‌كردن).
قه‌نديل يه‌يش ده‌رخست وه بوونه‌ى نه‌وين په‌يوه‌نديه‌يل دبلۆماسى له‌ناونى ئيران وه‌ل هه‌ر يه‌ك له سعوديه‌و به‌حره‌ين و ئيمارات، وه‌رپرسه‌يل عراقى بڕيار دانه ئه‌و پيشنياره له‌جياى ئيران بڕه‌سنن و ئاماژه وه‌يه‌يش كرد به‌غدا وه ناوجيوانيگ دانريه‌ێد ئه‌را ئاڵشت وئوڵشت نامه له‌ناونى ته‌هران و رياز و ئه‌بو زه‌بى و مه‌نامه.
