سه‌ربار هه‌واڵ خوه‌شى.. خورماتوو مقه‌يه‌تى له وه‌رده‌وامى قه‌يه‌غه‌ى هاتوچوو ئه‌كا
2020-04-25T21:02:42+00:00
شه‌فه‌ق نيوز/ حه‌سه‌ن زه‌ينولعابدين قايمقام قه‌زاى خورماتوو له خوه‌رهه‌ڵات سه‌ڵاحه‌دين، ئاشكراى ئه‌وه كرد هويچ حاڵه‌تيگ تويشبوين يا گومانكردن وه ڤايرۆس كۆرۆنا تائيسه تۆمار نه‌كرياگه‌و باسيش له سه‌قامگيرى بازرگانى و ئابوورى كرد له قه‌زاگه.
زه‌ينولعابدين له باسيگ ئه‌را شه‌فه‌ق نيوز وت: هويچ تويشبوين يا گومانيگ وه ڤايرۆس كۆرۆنا له خورماتوو يا ناحيه‌و ئاوايه‌يلى تۆمار نه‌كرياگه له‌وه‌ختيگه‌و ئى په‌تاى كۆرۆنا په‌يا بويه.
قايمقام قه‌زاى خورماتوو هه‌ميش وت: هه‌ماهه‌نگى به‌رزيگ هه‌س له‌ناونى ئداره‌ى خورماتوو و شانه‌ى قه‌يران له سه‌ڵاحه‌دين له روێ وه‌ڕوێ بوينه‌وه‌ى ڤايرۆس كۆرۆنا و ريگريكردن له بڵاوبوينه‌وه‌ى ك وه‌ل ئه‌وه‌يشا قه‌يه‌غه‌ى هاتوچوو وه‌رده‌وامه ئه‌را دويرگرتن له مه‌ترسى ئى په‌تا.
