سعوديه پيشوازى له هه‌ڵويست حكومه‌ت عراق ئه‌كاو روێداگ باڵيۆزخانه‌گه‌ى به‌حره‌ين ئدانه كرد
شه‌فه‌ق نيوز/ سه‌رچه‌وه‌يگ له وه‌زاره‌ت خارجيه‌ى سعودى، ئه‌وه ده‌رخست ك وڵاته‌گه‌ى روێداگ ده‌سدريژى خوه‌ينيشانده‌ره‌يل ئه‌را بان باڵيۆزخانه‌ى به‌حره‌ين له عراق ئدانه كردگه‌و پيشوازييش كردگه له هه‌ڵويست حكومه‌ت عراقى له‌و باره‌وه.
ئه‌و سه‌رچه‌وه وه‌گووره‌ى ئاژانس فه‌رمى هه‌واڵه‌يل سعودى وت: شانشين سعوديه ئه‌و روێداگ ده‌سدريژيه ئه‌را بان باڵيۆزخانه‌گه‌ى به‌حره‌ين ئدانه ئه‌كا ك ناگونجيه‌يل وه‌ل كه‌مترين بنه‌مايه‌يل نه‌ريت دبلۆماسى و چه‌واشه‌ى پێوه‌ره‌يل و په‌يماننامه‌يل ناوده‌وڵه‌تيه.
جى باسه، سه‌رچه‌وه‌گه هه‌ميش وت: شانشين سعوديه له هه‌مان وه‌خت پيشوازى كردگه له هه‌ڵويست حكومه‌ت عراقى له ره‌ته‌وكردن ئه‌و ده‌سدريژيه‌يله‌و له‌وه‌رگرتن ئه‌و رێ وشوونه‌يله ئه‌را دابينكردن پاسه‌وانى ته‌واويگ له‌وه‌ر ده‌سه‌وه‌ركردن سه‌ڵامه‌تى نێرده‌ى به‌حره‌ينى.
