سزانن ماڵەیل و زەخمداری پولیس.. رویداوەیل نوویگ دویای جەنگەگەی حەیدەریەی نەجەف

شەوەکی ئمڕوو، جەنگ هووزانەی سەختیگ کەفتە ناوەین دوو هووز لە ناحیەی حەیدەریە باکوور نەجەف، تفەنگ لەناوی وەکار هاوریا، و رەسیە کوشیان کەسیگ، وەرجەیەگ هیزیگ ئەمنی گەورە بکەفێدە جویلە ئەرا ناوجیکردن و لێکۆڵینەوە.

لە خەوەرەیل نوویگ، سەرچەوەگە ئەرا ئاژانس شەفەق نیوز وت: جەنگەگەی حەیدەریە رەسیە سزیان سێ ماڵ هن ئەو هووزە کە کەسیگ لەو هووزەگە کوشتیە، وتیش: تیمەیل وەرگری شارستانی لە کوشتن قورتار بوین، کە مەوقەی کپەوکردن ئاگر ماڵەیل دریانە وەر گولە.

سەرچەوەگە دیاری کرد کە لەناو جەنگەگە، دوو ئەندام ئەمنی مەوقەی ناوجیکردن زەخمدار کریان.