سزای لەسێدارەدان ئەرا چوار کەس کە یەکیگیان “بەنگلادیشی” بوی لەوەر کوشتن خاوەن دەریاچەیگ ماسی لە واست
2024-08-21T14:29:19+00:00
شەفەق نیوز/ سەرچەوەیگ دادوەری بڵاویکرد، ئموو چوارشەممە، دادگای تاوانەیل واست سزای لە سێدارەدان وەبان چوار کەس دەرکرد لەناویان هاوڵاتیگ "بەنگالی" هەس، وە تاوان کوشتن خاوەن دەریاچەیگ ماسی کە کار لەناوی کردنە.
سەرچەوەگە وە ئاژانس خەوەری شەفەق نیوز راگەیان، دادگا بڕیار لە سێدارەداین دەرکردیە ئەرا چوار کراکار کە بەنگلادیشیگ هاناویان، دان وە ئەوەگ دانانە خاوەن دەریاچە ماسیەگە کوشتیە کە کار لەلای کردنە.
سەرچەوەگە دیاریکرد، تاوانبارەیل هەمیش دان دانانە وە ئەوەگ ماشین قوربانیەگە دزینە وەگەرد بڕە پویلیگ وە بڕ (200) ملیۆن دینار بویە و تەرم قوربانییەگە فڕەدانەس ناو چەم ئەلغەرەف لە شار کوت، سەنتەر پارێزگای واست.
