سزیان ژنیگ وە سەختی و قورتارکردن دویتەیلیگ لە خوەیکوشتن لە بەغدا و مووسڵ

شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە سزیان ژنیگ وە سەختی لە شار سەدر بەغدا، لەهەمان وەخت قورتارکردن 3 دویەت لە خویکوشتن وەلایەن هێزەیل ئەمنی. 

سەرچەوەگە وە ئاژانس شەفەق نیوز وت، " تەباخ ئاشکردن لەناو ماڵیگ تەقیە لە ناوچەی سەدر لە خوەرهەڵات بەغدا بویەسە هووکار  سزیان سەختیگ خاوەن ماڵەگە".   

لەهەمان وەخت: " فریاگوزاری بەغدا تەقەلای خوەیکوشتن   ژنیگ وە خستنەخوار خوەی لەبان پیەڵیگ پویچەڵکردن، لەهەمان وەخت ژنیگتریش قورتار کردن ک تەقەلای دایە لەبان پیەڵ 14 رەمەزان  لە بەغدا خوەی بخەێدە خوار". 

وتیش، ئەرا یەکیگ لە ناوەندەیل کلکریایە ئەرا گردنەوەر رێکار.  لە مووسڵیش، پۆلیس دەریاوانی دویەت 20 ساڵانیگ قورتارکردن ک تەقەلای خوەیکوشتن  لەبان پیەڵ کۆنەی مووسڵ دایە لە کۆتا چرکەیل قورتار کریا پۆلیس دەریاوانی تەنانەت هاوڵاتیەیلیش نوای گردنە مەوقەی ک لەقێ پەرژین پیەڵەگە وسیایە. 

وتیش، لەمەوقەی رادەسکردنی ئەرا بنکەی پۆلیس دوێتە دایەس لە یەکیگ لە ئەندامەیل پۆلیس و وایە تا جاریگتر خوەی فرە بەێد، باوجی نواگریری کریایە، لەوەر ئوە ئەرا بنکەی پۆلیس فەێسەڵیە کلکریایە ئەرا رێکارەیل یاسایی.