سائيرون ترس كۆرۆنا ئه‌كا له دانيشتن په‌رله‌مان.. شه‌ش سه‌عات دانيشتن بى سوود
شه‌فه‌ق نيوز/ هاوپه‌يمانى سائيرون، روێ ره‌خنه‌يل تونيگ كرده سه‌رۆكايه‌تى په‌رله‌مان و تومه‌تبارى وه شكه‌ست كرد له ئداره‌ى دانيشتنه‌يل "بى سوود"يگ و له هه‌مان وه‌خت مه‌ترسى خوه‌ى ده‌رخست له بڵاوبوينه‌وه‌ى كۆرۆنا له ماوه‌ى ئه‌و دانيشتنه‌يله.
له‌ى باوه‌ته‌و، جه‌واد موسه‌وى ئه‌ندام ئه‌نجومه‌ن نوێنه‌ره‌يل له‌بان هاوپه‌يمانيه‌گه له به‌ياننامه‌يگ ئه‌را ئاژانس شه‌فه‌ق نيوز وت: ئسلوب سه‌رۆكايه‌تى ئه‌نجومه‌ن نوێنه‌ره‌يل شكه‌ست و نابه‌رهه‌مه له ئداره‌كردن دانيشتنه‌يل و ئنستهانه‌يش وه وه‌خت له‌تى ئه‌كريه‌ێد و باوه‌ته‌يل گرنگ و چاره‌نويسساز له ناوه‌ڕووكى به‌تاڵه.
موسه‌وى وت: ماقوڵ نيه وه‌رده‌وام دانيشتنيگ ئه‌را ماوه‌ى په‌نج يا شه‌ش سه‌عات ته‌نيا وه‌خت وه‌سه‌ر بووه‌ێد له‌وه‌ر ده‌ركه‌فتن له‌ڕوێ ئعلامى و تۆماركردن قسه‌وباس دوباره‌كرياێ و ناپه‌يوه‌س وه باوه‌ته بنه‌ڕه‌تيه‌گه‌وه‌و وه‌بى ده‌رچگن وه برياره‌يليگ گرنگ له‌وه‌ر به‌رژه‌وه‌ندى ملله‌ت يا جواودانه‌وه‌يل گرنگ ئه‌را پرسياره‌يل خواست.
