"سائيرون" ئاشكراى يه‌كلاكردنه‌وه‌ى 19 وه‌زاره‌ت كرد له حكومه‌ت كازمى
شه‌فه‌ق نيوز/ ئه‌نداميگ كورد له‌بان فراكسيۆن سائيرون باس له ريككه‌فتن فراكسيۆنه‌يل سياسى كرد له‌بان يه‌كلاكردنه‌وه‌ى 19 وه‌زاره‌ت له حكومه‌ت مسته‌فا كازمى سه‌رۆك وه‌زيره‌يل راسپارياى و جه‌خت له‌وه‌يش كرد ريككه‌فتن نه‌كرياگه له‌بان يه‌كلاكردنه‌وه‌ى 3 وه‌زاره‌ت سيادى دابه‌شكرياى له‌ناونى فراكسيۆنه‌يل سياسى.
له‌ى باوه‌ته‌و، ئازاد حه‌ميد شه‌فى ئه‌را شه‌فه‌ق نيوز وت: فراكسيۆنه‌يل سياسى ريككه‌فتن له‌باره‌ى ده‌نگداين له‌بان 19 وه‌زاره‌ت و دوياخستن ده‌نگداين له‌بان وه‌زاره‌ته‌يل دارايى و ناخوه‌يى و نه‌فت و باس له‌وه‌يش كرد فراكسيۆنه‌يل سياسى ريككه‌فتنه له‌بان ئه‌وگ وه‌زاره‌ت ناوخوه‌يى بدريه‌ێده هاوپه‌يمانى عامرى و وه‌زاره‌ت نه‌فت وه ره‌وت حكمه و وه‌زاره‌ت داراييش وه كورد.
ئاماژه وه‌يه‌يش كرد هيمان تائيسه فراكسيۆنه‌يل سياسى ريكنه‌كه‌فتنه له‌بان كه‌سه‌يل كانديدكرياى ئه‌را ئه‌و وه‌زاره‌ته‌يله و له‌باره‌ى هه‌ڵويست فراكسيۆن سائيرونيش له‌باره‌ى فوئاد حسێن ئه‌را وه‌گرتن پۆست وه‌زاره‌ت دارايى باس له‌وه كرد ك سائيرون هويچ مه‌رجه‌يليگ وه‌رانوه‌ر فوئاد حسێن نه‌يرێد، وه‌لێ بڕيگ له ئه‌ندامه‌يل له فراكسيۆنه‌گه هيمان رازى نيين جاريگ تر وه‌زاره‌ته‌گه بگرێده ده‌س.
