سائرون جيوه‌جيكردن پيشنيار له‌باره‌ى زيقار ره‌ته‌و ئه‌كا له‌وه‌ر ئى هووكاره‌يله
شه‌فه‌ق نيوز/ فراكسيۆن هاوپه‌يمان سائرون له ئه‌نجومه‌ن نوێنه‌ره‌يل، ئاشكراى ره‌ته‌وكردن مه‌سه‌له‌ى جيوه‌جيكردن پيشنيار هه‌مواركردن ياساى قه‌ره‌بووكردن زه‌ره‌دمه‌نه‌يل كرد له ئه‌نجام كرده‌وه‌يل جه‌نگى و هه‌ڵه‌يل سه‌ربازێ.
له‌ى باوه‌ته‌و، ئه‌نعام خوزاعى له كۆنگره‌يگ رووژنامه‌گه‌رێ هاوبه‌ش وه‌ل نوێنه‌ره‌يل تر وت: بڕيگ له هيزه‌يل سياسى وه‌رده‌وامن له هه‌وڵ وه‌كارهاوردن خوين شه‌هيده‌يل و خوه‌ينيشانداين هاووڵاتيه‌يل ئاشتيخواز له جيوه‌جيكردن ياسايه‌يليگ له‌وه‌ر به‌رژوه‌ندى خودى و حزبى دوير له داواكاريه‌يل مه‌ردمى، له‌وانه‌يش پيشنيار هه‌مواركردن ياساى قه‌ره‌بووكردن زه‌ره‌دمه‌نه‌يل له ئه‌نجام كرده‌وه‌يل جه‌نگى و هه‌ڵه‌يل سه‌ربازێ.
خوزاعى هه‌ميش وت: پيشنياره‌گه مادده‌و هه‌مواره‌يل فريه‌يگ خرياسه ناوى و له‌يوا كردگه جه‌لاد بدێده قوربانى و دارايى فريه‌يگ له كيس ده‌وڵه‌ت ئه‌ياد.
