١٩ ساڵ لە دەسگیرکردن سەدام.. دەرەقەتی هاتیمن
سایت "جاكسون فيڵ" ئەمریکی باس ساڵیادەگە لە راپۆرتیگ کرد، ک ئاژانس شەفەق نیوز ئەڵگەردانی کرد، ک ئەویش باس راپۆرت ئاژانس ئەسوشیتد پرس ئەمریکی لەو رووژە کەێد، ک ئویشێد: دویای هەشت مانگ و چوار رووژ لە کەفتن بەغداد، سەربازەیل فیرقەی پیادەی چوارەم و تیمیگ نهێنی لە کۆماندۆ، سەدام حسێن لەناو چاڵیگ دراوردن، ک فرە لەو چاڵەیلە بویچگترە ک بومبەیل ئەمریکا لەو شەوە کەنینەی ک جەنگەگە دەسوەپی کرد، و نەڕەسینە سەدام.
راپۆرتە ئەمریکیەگە راگەیانن پۆل برێمەر حاکم مەدەنی هاوردە یاد، ک لەو مەوقە نوینەر سەرۆک جۆرج بۆش بوی لە بەغداد، ک لەناو کۆنکرەیگ رووژنامەوانی لە کۆتایی هەفتەگە وت: خانم و بەڕیزەیل، دەرەقەتی هاتیمن، و دیکتاتۆرەگە کەفتە دەسمان.
بۆش باس ئەو قۆناغە وە سەردەمیگ تاریک و زیاندار ئەرا عراق کرد، و باس کرد ک ئەمریکا دەسکردە هەڵمەت شۆک و رخبردن م لە ١٩ی ئامار/ ٢٠٠٣ وە پەلامارەیل شەوانە دەسوەپی کرد، تا لە یەک ئایار سەرکەفتن و تەواوبوین ئەرکەگە راگەیان.
باوجی راپۆرتەگە وتیش: ئەوە قوربانیەیل فرەیگ خست وەلێ دەسگیرکردن سەدام حسێن وەگورەی قسەی سەربازەیل ئەمریکا رووژ مەزنیگ بوی، و رووژ گرنگیگ ئەرا ئیدارەی بۆش، و هاتێ لەوە گرنگتر ئەوەسە ک رووژ گرنگیگ ئەرا عراقیەیل بوی.
راپۆرتەگە لە زوان یەکیگ لە جەنگاوەرەیل دێرین وەناو دێڤید شوار کەلە جەنگ خەلیجوبەشداری کردیە، وت: فیرقەی پیادەی چوارەم وە بوونەی جەژن زایینی دیاری گەپیگ وە وڵاتمان پیشکەش کرد، وتیش؛ گرنگ بوی بڕەسیمنە کۆتاییگ.
راپۆرتەگە وتیش: سەدام حسێن لەبان تاوانەیل دژوە مرۆیی و جینۆساید داد کریا، و لە ٣٠ کانوون یەکەم ساڵ ٢٠٠٦ لەسێدارە دریا.
ئەڵگەردان: ئاژانس شەفەق نیوز
