ساڵح: کوردە فەیلیەکان کەفتنە وەر ستەم و بایەدە وەدادیان بڕەسیمن
شەفەق نیوز/ بەرهەم ساڵح سەرۆک کۆمار عراق، ئمڕوو پەنجشەممە، دووپات کرد ک کوردە فەیلیەکان لە جووراجور قۆناغەیل مێژوو دەورەیل دیاریگ داشتنە، و کەفتنە وەر ستەم، و بایەدە بڕەسیمنە دادیان.
نووسینگەی راگەیانن سەرۆکایەتی کۆمار لە بەیاننامەیگ رەسیە ئاژانس شەفەق نیوز وت: سەرۆک کۆمار، نیمەڕو ئمڕوو لە کۆشک ئاشتی لە ناوڕاس بەغداد پایتەخت پێشوازی لەشاندیگ لە کوردە فەیلیەکان کرد.
ساڵح دووپات کرد ک کوردە فەیلیەکان نوێنەرایەتی پێکهاتەی رەسنیگ لە وڵاتەگە کەن، و خاوەن دەورەیل گرنگیگن لە قۆناغەیل جووراجور مێژوو عراق ، و لە خود وەختەگە ئاماژە وەو قوربانیەیلە کرد ک پێشکەشیان کردن، و ئەوەگ خەڵک ئی پێکهاتە کەفتنە وەری لە ستەم وەدەس رژیم دیکتاتۆری.
سەرۆک کۆمار جەخت کرد لە گرنگی وەدادرەسین قوربانیەیل، و مسۆگەرکردن بەشداریکردن کوردە فەیلیەکان لە ژیان سیاسی و کۆمەڵایەتی و رووشنهویری وەو شیوە ک دەنگیان و داوایان بڕەسێدە حکومەت و پەرلەمان.ساڵح گووش لە شاندە کوردیە فەیلیەگە لە باسیان دەربارەی سەختی و گرفتەیلیان گرد، و دووپات بە پشتگیریکردنی ئەرا هەر چشتیگ کرد ک ئەو ریگریەیلە لەنوایان ئاسانەو بکەێد.
وەگورەی بەیاننامەگە شاندە کوردیە فەیلیەگە باس لە سوپاس خوەیان ئەرا سەرۆک کۆمار ئەرا دەوری لە بتەوکردن ئەرزشەیل پێکەوەژیان لەناونی گشت پێکهاتەیل گەلەگە کردن.
