ساڵح: عراق كەفێدە وەر سەختی تۊنێگ ئایا رەدی کەێمن؟
شەفەق نیوز/ سەرۆک عراق بەرهەم ساڵح، ئمڕوو سێشەممە، دووپاتکرد ک وڵاتەگەی کەفێدە وەر سەختی نوویگ دۊیای ئەو ناکۆکیە ک " چادرێگ خستە بان دیمەنەگە" دۊیای هەڵوژاردن یاسادانان. ئەوەیش لە وتارەگەی لە زانکۆ ئەمریکیی کوردستان-دهۆک لە چوارچمەگ کۆڕبەن ئاشتی و ئاسایش رۆژهەڵات ناوڕاس هات.
وتیش؛ خوەرئەڵات ناوراس ها لە قۆناغ ئاڵشتبۊین نووێگ، وە یە وەرچەرخان هەمیشەییەێگە، باوجی ئی قۆناغە نۊنەرایەتی خاڵێگ لە ناوچەگە کەێد، وردەکاری ئی وەرچەرخانە عراقە، ئەوەگ لە عراق رۊی دەێد کاریگەری سەرەکی لە ناوچەگە دێرد.
باسکرد، " ئومید خوازین هەڵوژاردنەێل وە ئەنجام یاسایی و دەستوریەێلە کۆتایی بارێد، چۊینکە لە عراق کێشەی گەپێگ دیرێد نەبایەت بخرێدە پشت گوش، لە ماوەی 20 ساڵ پەنج حکومەت لە عراق جێگیر بۊیە، نە سەرۆک وەزیرەێل یا کۆمار نەتوەنسنە کۆتایی وەپی بارن وە فرەێگ لە وڵاتەێل ناوچەگە، یە یەکێگە لە ئەرێنیەگان قۆناغ نوو عراق.
وتیش؛ عراق کەفێدە وەرسەختی نوو و تۊنێگ ، ئایا توەنیمن زاڵ بۊیمن وەبانی، قۆناغ بانان قۆناغ شایستەی گەپێگ نیشتمانییە، ئێمە گرفتیگ دێریمن داوا کەێمن چارە بکریەێد لە رۊی پێکهاتەییەوە لەناویان گرفت حکومەت فیدراڵ و حکومەت هەرێمە.
باسکرد، ئیمە رۊی وە رۊی تەحەدای ئاسایش و تۊنرەوی ئەۊین، ک وە رێکارەێل ناوخوەیی چارە ناکرێد، باوجی هاوکاری و پەیوەنی هەرێمانە خوازێد، هەرچەن جیاوازیەێل هەرێم قۊیڵن.
