ساڵح ئەرا پاپا: سەردان ئیوە ئەرا عراق لەی رەوشەیل سەختە گرنگیەگەی دووقات کەێد
شەفەق نیوز/ سەرۆک کۆمار عراق، ئمڕوو جمعە، دەسخوەشی لە سەردانەگەی پاپای ڤاتیکان ئەرا عراق کرد.
ساڵح لە وتارەگەی وەئامادەبوین پاپا لە کۆشک بەغداد وت: رکەگەی ئیوە لە سەردان عراق لەبان سەختیەیل پەتاگە، و ئەو رەوشەیل سەختە ک وڵاتەکەمان وەپیان رەد بوود، ئەرزش سەردانەگە لەلای عراقیەکان دووقات کرد.
وتیش؛ وەداخەو ک ئمڕوو جهان هالە سەردەم دابڕانیەکان، و خوەرهەڵات ناوڕاس کەفتیەسە وەر قەیرانیگ لە پێکەوەژیان لەوەر ناکۆکیەیل و تیرۆر، ک هەڕەشەی دویارووژ گشتی دەێد.
هەمیش وت: بایەدە کار لە دژایەتی تیرۆر وهویر توندڕەوی بکریەێد، و پاڵپشتی پێکەوەژیان و ڕەنگاوڕەنگی بوود، ک خوەی خاسترین دیاریە ئەرا نەوەیل هاتگ پێشکەشی بکەیمن.
و داوا کرد ک عراق بوودە مەیدان رێککەفتن و هاوکاری لەناونی دەوڵەتەیل ناوچەگە، و سویکیگ سەرەکی لە سیستەمیگ هەرێمی لەبنەمای رێزگردن سەروەری و تەواتکەرەوەی ئابووری، و لەوە رەت کرد ک وڵاتەگە بوودە مەیدان ململانە.
سەرۆک کۆمار وتیش: مەسیحیەیل خوەرهەڵات خاوەن ونمەک ئەی خاکەن، ک خوەرهەڵاتیگ بی مەسیحیەکان نێەوود، و وەردەوامی کۆچبردن مەسیحیەکان لە وڵاتەیل خوەرهوڵات دویارووژ خراویگ لەبان توانای گەلەیل ناوچەگە لە پێکەوەژیان دیرێد.
