سایتیگ جەهانی نشانەی بەرزەوبوین پیسبوین گەورەیگ و کەمەوبوین ناوچە سەوزەیل عراق کەێد
شەفەق نیوز/ راپۆرتیگ لەلاین سایت "نومبیۆ" ک کار لەبان ئاست ژیان و گوزەرانی دەوڵەتەیل جەهان کەێد، وت: نشانەی پیسبوین لە عراق هیمان بەرزە، هەرچەن لەساڵ ٢٠١٩ ئەو نشانە داوەزیا، وباس ئەوەیش کرد ک شوینە سەوزەیل و باخچەیل کەمە.
راپۆرتەگە لە دویاترین نووەکردنی لە مانگ نیسان ٢٠٢٢ ک ئاژانس شەفەق نیوز نووڕیەی وت: نشانەی پیسبوین لە عراق رەسیە ٧٣،٥٩%، ک لە ساڵ ٢٠١٩ کەمترە، ک لەو ساڵە نشانەی پیسبوین رەسیە ٧٩،٤٣%، و ئاست پیسبوین ئاو نووشین و ناتوانای رەسین وەپی ناوڕاسینە ک رەسیەسە ٥٥،٥٠%.
وتیش: رازی نەوین لەلای هاووڵاتییەیل لە فڕەداین گەناڵخە بەرز بوی و رەسیە ٦٩،٠٧% و ژاوەژاو لەناوڕاس بوێ ک رەسیە ٥٢،٠٦%، وتیش: پیسبوین ئاو ئاست بەرزیگ توومار کرد ک رەسیە ٦٤،٠٣%.
سایتەگە وتیش: کپی ونەوین گرفت ژاوەژاو شەوانە، لە ناوڕاس بوی ک رەسیە ٤٧،٩٤%، وباخچە سەوزەیل وباخچەیل ناو شار ئاست نزمیگ توومار کرد ک رەسیە ٣٨،١٤%.
