"سۆنار" بۊیە هووکار بەسیان رییگ لە باشور عێراق

شەفەق نیوز/ شمارەێگ لە رانەندەیل بارهەڵگر لە زیقار، ئمروو چوارشەممە، راگەیانن، ری گرنگێگ لە باشور پارێزگاگا بەسیا، ئەرا دەڕبڕین نارەزاییەلێان لەبان وەشکین سۆنار.    

پەیامنێر ئاژانس شەفەق نیوز، راگەیان  شمارەی فرەێگ لە رانەندەیل بارهەڵگر رێ خێرای ناودەوڵەتی ک وەرەو شار ناسریە چوود بەسانە  وەلای بازگەی تل لەحم باشور پارێزگای زیقار.     وتیش، ئەوانە داواکارن وەشکین سۆنار لاورێد و لەجیای ئەوە پشت بوەسرێد وە باج هاتوچۊی، چۊینکە سۆنار بوودە  بیماری شێرپەنجە.    

دەزگای سۆنار ئەرا وەشکین ئەو شتومەکەێلە ک بارهەڵگرەیل هاوەپیان  وەکار تێد، ئەرا ئاشکەراکردن مادەیل تەقینەوە و چەک و مادەێل یاساق کریایەێل وەک مادەی هووشبەر.