سێ مردن و خوەیکوشتن لە چەن پارێزگایگ عراق

سەرچەوەیل ئەرا ئاژانس شەفەق نیوز وتن: گەنجیگ لەداڵگبوی ساڵ ٢٠٠٥ وە پەت خوەی دادە سێدارە وەقەی قەواسەی ژوورەگە لە ناوچەی حوریە لە بەغداد پایتەخت، و مدوو خوەیکوشتنی نادیارە.

هەرلیوا، سەرچەوەیل خەوەردان لە مردن دویەتیگ خوەنەوار لە پۆل سێەی ناوەندی لە قەزای سەفوان وەناکاوەو مەوقەی خوەنستنی، وتیش: دویای بردن قوربانیەگە ئەرا خەسەخانە وە کوتپڕ داڵگی لە خەفەت دویەتەی گیانی لەدەسدا.

وەگورەی سەرچەوەیل، گەنجیگ لەناو تەمەن بیس ساڵان کار لە چێشتخانەیگ لەبان ری بەغداد - کەرکوک لە قەزای خاڵس کەێد، مەوقەی خاسەوکردن چراخەیل کارەبا گردەی و گیانی لەدەسدا.

سەرچەوەیل وتنیش: دویەتیگ لە تەمەن ٥ ساڵان گولە داد لە پشتی و زەخمدار بوی لە ناوچەی تەحویلە باکوور بەعقووبە.