کەسەیل نەناسیایگ پەلامار فەرمانگەیگ حکومی لە زیقار دەن و وە خەسی تەقە لەناوی کەن
2023-10-03T07:57:38+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا چەکدارەیلیگ هەڵکوتانەس بان بەش ماشینەیل سەر وە شارەوانی شەترە لە باکوور شار ناسریە ناوەن پارێزگاگە.
سەرچەوەگە وە ئاژانس شەفەق نیوز وت، " چەکدارەیل نەناسریایگ پەلامار بەش ماشینەیل سەر وە وەڕیوبەرایەتی شارەوانی شەترە باکوور پارێزگای زیقار، وە خەسی تەقەکردنە و وە شیوەی هەڕەمەکی لەناو بەشەگە تەقەکردنە".
سەرچەوەگە وتیش، " تەقەکردنەگە بویە هووکار زەخمداریبوین فەرمانبەرەیگ، ئەرا چارەسەرکردن کلکریاس ئەرا خەسخانە، و توومەتبار ئەرا شوین نادیاریگ وایە".
