سەگەیل بەڕەڵا لە بەغداد پەلامار مناڵەیل دەێد
![سەگەیل بەڕەڵا لە بەغداد پەلامار مناڵەیل دەێد](https://media.shafaq.com/media/arcella/1610266866970.jpg)
2021-01-10T08:21:26+00:00
شەفەق نیوز/ سەگەیل بەڕەڵا، ئمڕوو یەکشەممە، پەلامار ژمارەیگ لە مناڵەیلیگ لە باشوور بەغداد دان، وەگورەی قسەیل سەرچەوەگە.
سەرچەوەگە خەوەردا ئاژانس شەفەق نیوز: سەگەگان لە نزیک مەکتەو سەیاب لە ناوچەی ئەبودچیر لە دۆڕە پەلامار مناڵەگان دان، و مناڵیگ ٧ ساڵان زەخمداری سەختیگ کردن.
سەرچەوەگە ئاماژە کرد ک مناڵەگە وەرەو خەسەخانە بریا، و رەوشی مەترسیدارە.
سەگە بەڕەڵاگان لە فرەی ناوچەیل بەغداد و جادەگانی بڵاوە بەینە، و بوونە هووکار رووداوەیل هاتووچو فرەیگ، بیجگە پەلامارداین خەڵکەگە.