سێ زەخمدار لە ئەنجام گورزیگ مووشەکی وەبان سەربازگەیگ حەشد لە بابل
2024-04-20T04:58:18+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە زەخمداری سێ ئەندام حەشد شەعبی لە ئەنجام گورزیگ مووشەکی لەبان سەربازگەی کالسو باکوور پارێزگای بابل.
سەرچەوەگە ئەرا ئاژانس شەفەق نیوز وت: وە سێ مووشەک ئەو سەربازگە کریاسە ئامانج کە سەرچەوەی مووشەکەیل نادیارە، و ئاگر گەپیگ لەلی هیز گرد، و بویە هوکار زەخمداری سێ ئەندام حەشد شەعبی.
وتیش: تیمەیل وەرگری شارستانی تەقەلای کپەوکردن ئاگرەگە دەن کە لە ئەنجام تەقیاه مووشەکەیل هیز گرد.
سەرچەوەیگ ئەمنی دویای نیمەی شەو خەوەردا ئاژانس شەفەق نیوز کە گورزیگ مووشەکی بارەگایگ حەشد شەعبی کردە ئامانج کە هەمیش لە سوپای عراقی و پولیس فیدراڵی هانە ناوی.
