سەردی نوویگ لە عراق دۊادۊای ئی هەفتە
2022-01-22T11:30:45+00:00
شەفەق نیوز/ پسپۆڕ کەشناسی عەلی جابر زیادی، ئمروو شەممە، مەزەنە کرد شەپۆل سەردی نوویگ ئەوەسا لە رووژ پەنجشەممەی ئایندە دەێدە وڵاتەگە، و لە خود وەختەگە وتیش؛ لەی رووژەیل ئایندە گەرمی بەرزەو بوود.
زیادی ئەرا ئاژانس شەفەق نیوز وت: شەپۆلە سەردەگە ک وەی دۊاییە دادە وڵاتەگە ئەوەسا سوو یەکشەممە وەشیوەی وەرچەویگ شکیەێدەو، وتیش؛ سوو یەکشەممە گەرمیەگە تیەێدەو، و مەزەنە هەس ٣ پلە لە فرەی شارەیل بەرزەو بوود.
هەمیش وت: رووژ دووشەممەی ئایندە ئاسایی بوود، و مەزەنە هەس دۊیای دووشەممە و سێشەممە لە گشت شارەیلە گەرم بوود.
زیادی دیاری کرد ک نەخشەی ئاسمانی نشان دەێد لە پەنجشەممەی ئایندە سەردی دەسوەپی بکەێد، باوجی لەو سەردیەگەی ئیسە کەمترە.
