سەرچەوەیگ باس پەلامارەگەی «عەرعەر» کەێد ک ئەفسەریل گەورایگ خستە گیر
شەفەق نیوز/ سەرچەوەیگ ئەمنی، ئمڕوو چوارشەممە، دیاری ووردەکاریەیل پەلامارەگەی داعش لە بان مەخفەریگ ئەمنی لە ناوچەی عەرعەر سنووری وە گەرد سعودیە کرد، ک بویە هووکار بەندیکردن ئەفسەرەیل گەورەیگ لە فەرماندەی پاسەوان سنوور.
سەرچەوەگە ئەرا ئاژانس شەفەق نیوز وت: رووداوەگە لە ساعەت ١٢ی شەو دووشەممەی گوزەیشتە بوی، وتیش؛ فەرماندەی پاسەوانەیل سنوور ناوچەگە لە وەخت رووداوەگە لەورا نەوی، و خەوەر لە رووداوەگە نەیاشت و خەوەردار فەرماندەیی نەکرد.
وتیش؛ هەنای ریخریاگ داعش پەلامار خاڵەگە دا، هێزەگە خاڵەگە چووڵ کردن و سوار ماشینەیل خوەیان بوین و لەو شوینە واین، و خاڵەگە بریا و دەسنریا بان چەکەیل.
سەرچەوەگە وتیش؛ ئەرا دوویەم رووژ فەرماندەیل وە رووداوەگە زانستن، و خەوەردار هێزیگ کردن تا بڕەسنە خاڵەگە، و ریەگە پڕ لە بومب دانریاگ بوی، و دیاری کرد ک لەمەوقەی رەدبوین هێزەگە، بومبیگ تەقیەو و بویە هووکار زەخمداربوین ئەفسەریگ وه پلەی نەقیب و دوو ئەندام تر وەگەردی.
