سەرژماری ها لە قۆناغ سێیەم.. پلاندانان: پیلان هەس ئەرا سەرژماری عراقیەیل دەیشت
شەفەق نیوز/ قسەکەر فەرمی وەزارەت پلاندانان عراق، ئمڕوو سێ، دووپاتکرد پرۆسەی سەرژماری کردن لە گشت پارێزگایەیل عراق وەردەوامە و ها لە چارەک یەکەم قۆناغ سێیەمی، ئاشکراکرد وەزارەت پلاندانان پلان دانایە ئەرا سەرژماری کردن عراقیەیل دەیشت وڵات.
قسەکەر وەزارەتەگە عەبدولزەهرەت هنداوی لە بەیاننامەیگ رەسیە ئاژانس شەفەق نیوز وت "پرۆسەی سەرژماری وەردەامە لە گشت پارێزگایەیل عراق وە شیوەی خاسیگ وەڕیوە چوود و هالە چارەک یەکەم قۆناغ سێیەمی لە تەواوکردن زانیاریەیل تایوەت وە ئەندامەیل و خێزان، پرۆسەی توومارکردن وە لایەن سەرژمتری کەرەیل وەردەوامە".
وتیش؛ "وەزارەت پلاندانان لە ماوەی دوو هەفتە پرۆسەی سەرژماریەگە وەشیوەی تەواویگ تەواوکەن کە ها لە چوارچمگ پلان وەزارتەگە ئەرا تەواوکردن پرۆسەی سەرژماری کۆتایی".
لەباوەت شمارەی عراقیەیل دەیشت وڵات هنداوی دووپاتکرد "ئەو عراقیەیلە هانە دەیشت وڵات ئەرا خوەنستن یا چارەسەر وەلایەن خێزانەیلیان توومارکریەن و لە دویای کۆتایهاتن وە سەرژماری دانشتگەیل گشت عراق و تەواوبوین لیست زانیاریەیل وە لایەن وەزارەت پلاندانان حکومەت لە گشت پارێزگایەیل دەسکرێد وە پرۆسەی سەرژماری کردن عراقیەیل دەرەوەی وڵات".
وتیش "سەرکەفتن گەپیگ لە سەرژماری گشت پارێزگایەیل هیشت عراق سەرژێری ئەرا عراقیەیل دەیشت بکەێد وە کلکردن ئامێرەیل سەرژماری کردن ئەرا بایلۆزخانەیل عراقی لە گشت وڵاتەیل و دەسکرێد وە سەرژێریکردنیان، لەئەنجام وەزارەتەگە سەرژماری تەواوکەریگ کەێد لە ناو و دەێشت وڵاتەگە".
