سەرۆک کۆمار عراق داوای هاوکاری ناودەوڵەتی و هەرێمی کەێد ئەرا نواگردن ئاڵشتبوین کەشوهەوا
شەفەق نیوز/ بەرهەم ساڵح سەرۆک کۆمار، مەوقەی وەرگردن کاغەزدیل باڵیۆزەیلیگ نوو، ئمڕوو سێشەممە، وت: عراق وەرەو پەیوەندیەیل هاوسەنگیگ روی کەێد، و پاڵپشتی لە هاوکاری ناودەوڵەتی و هەرێمی کەێد ئەرا نواگردن سەختیەیل تیرۆر و ئابووری و ئاڵشتبوین کەشوهەوا.
بەرهەم ساڵح، ئمڕوو لە کۆشک سەلام لەبەغدا، کاغەزەیل باڵیۆز هەرلە کەنەدا، گریگۆری گالیگان، وڵات چین، تسۆی وی، ئیران محمد کازم ئال سادق وەرگرد.
سەرۆک کۆمار لە پیشوازیکردن لە باڵیۆزەیل وت: سیاسەت دەیشتی عراق لەبنەمای پەیوەندیەیل هاوسەنگی قایمیگ وسیەێد، ک هاوکاری سیاسی و ئابووری و بازرگانی بتەو کەێد، و لە ناکۆکی و ژاوەژاو لەناوچەگە وە گفتوگۆ و چەوپیکەفتن رەد کەێد.
وتیش: هاوکاری ناودەوڵتی و هەرێمی هاوبەش ئەرا نواگردن سەختیەیل جەهانی ئیسە، گرنگییگە، و زاقتریان وەردەوامی لە دژایەتی تیرۆر.
لەلای خوەیانیش، باڵیۆزەیل باس لە نووڕینیان ئەرا گەشەپیدان پەیوەندیەیل وەرد عراق لە گشت چینەیل کردن، وەوشیوەگ بنەمایل هاوبەش بتەو بکەێد.
