سەرۆک کۆمار بانگواز ئەرا سەردەم سیاسی نوویگ لە عراق کەێد
شەفەق نیوز/ بەرهەم ساڵح سەرۆک کۆمار عراق، ئمڕوو سێشەممە، بانگواز ئەرا سەردەم سیاسی نوویگ کرد، ک وت عراقیەگان توێنن بینای دەوڵەتیگ پڕ سەروەری بکەن.
ساڵح لە ساڵیاد کوشتن سولەیمانی و موهەندس لە بەغداد وت: ئەو سەردەم نووە چارەسەر هەڵە کەڵەکەگان کەێد ک هیشتن ئی سیستەم حکومڕانیە شەق بوەێد، و ئەوە وەدەس نێکەفێد وەبی چاکسازی و چارەسەکردن شوونەیل هەڵەگان، ئەرا ئاڵشتکردن رەوش عراقیەگان، و وەدەسهاوردن ژیانگ وەپیان بگونجیەێد.
وتیش؛ کەسەیلیگ هەس خوازن عراقیەگان سەرقاڵ گرفتەیل ناوخۆیی خوەیان بوون تا لاوازیان بکەێد و هەڕەشەی هەسییان بیەێد، ک نەبایەد وەردەوامی بیاشتاد و وڵاتەگە بی خاوەنە و دەوڵەتەگە شەکەتە و دەسوەردان هاناوی، و رەوشەیل وڵاتەگە راسەو نێەوون وەبی ئەوە ک گەلەگە بوود ئاغای خوەی، دویر لە هەر وەخاوەنکردنیگ لە لایەنیگ یا دەسوەردانیگ دەیشتەکی.
هەمیش وت: سەختیەیل گەورایگ و شایستەیل گرنگیگ هانە نوای عراق، زاقتریان هەڵبژاردن زوینەی دەسپاکە دویر لە دەسکاری و بازیکردن وە خوازین عراقیەگان لە پەسەنکردن نۆێنەرەیلیان، و دەسکردن وە چاکسازیەیل و بتەوکردن هێزە ئەمنیەگان و کۆنتڕۆڵکردن چەک بەرەڵا.
