ئەسەدی وەرپرسیگ لە زیقار لاوەێد و دەرمانسازیگ نەێدە شوونی
2021-03-20T06:52:52+00:00
سەرچەوەیگ چەودێر، ئمڕوو شەممە، خەوەردا ک عەبدولغەنی ئەسەدی پارێزگار زیقار وەرپرس خۆجێی نوویگ لە پارێزگاگە لاورد.
سەرچەوەگە ئەرا ئاژانس شەفەق نیوز وت: ئەسەدی دەرمانساز عەمار رکابی دانا پۆست قایمقام قەزای رفاعی لە جیای کازم فەیاز قایمقام وەرین.
و ئاماژە کرد ک بڕیارەگە فەیاز ئەرا کار وەرین خوەی لە وەڕێۆبەرایەتی شارەوانی پارێزگاگە بردەو.
