سێ پارێزگا بەشداری لە کپەوکردن ئاگریگ لە نەجەف کەن.. ڤیدیۆ
2024-06-03T15:59:17+00:00
شەفەق نیوز/ سەرچەوەیگ لە پارێزگای نەجەف، ئمڕوو دووشەممە، خەوەردا لە هیزگردن ئاگر گەورەیگ لەناو دوکانەیل ئامێر کارەبایی لە ناوچەی عەدەن ناوڕاس پارێزگاگە.
سەرچەوەگە ئەرا ئاژانس شەفەق نیوز وت: ئاگر گەورەیگ لەناو دوکانەیل بازرگانی ئەرا فرووشتن ئامێرەیل کارەبایی لە ناوچەی عەدەن ناوڕاس شار نەجەف هیز گرد، وەبی زانستن هوکارەیلی.
سەرچەوەگە دیاری کرد کە ٢٤ تیم ئاگرکپەوکردن تەقەلای کپەوکردن ئاگرەگە دەن، کە تیمەیلیگ لە پارێزگایل بابل و کەربەلا و دیوانیە هاتنەسە دەسمیەتی، بیجگە تەقەلای فەرمانگەیل لە شار نەجەف.
