سەڵاحەدین.. ئەمن نەێدە شوون مەفرەزیلیگ شاراوە ئەرا داعش
2020-12-27T11:19:46+00:00
شەفەق نیوز/ وەرپرسیگ حکومەتی لە سەڵاحەدین، ئمڕوو یەکشەممە، خەوەردا ک هێزە ئەمنیەگان و هەواڵگریەگان کەفنە شوون مەفرەزیلیگ شاراوە ئەرا داعش لە دەورگرد قەزای بەلەد و ئیسحاقی و یەسرب ئەرا ئارامکردن کەرتە ئیداریەگان و ئەمنیەگان لە هەر پەلاماریگ ناکاوی.
عناد عەزاوی وەڕێۆبەر ناحیەی یەسرب لە سەڵاحەدین ئەرا ئاژانس شەفەق نیوز وت: وەشوونکەفتنەگان وەردەوامەن لە مینەی مەفرەزیل مەترسیداریگ لە داعش خوەیان وە ناوچە سەختەگان و دویرەگان قایم کردنە تا لەولاو پەلامارەیلیگ ناکاوی وەدریژی ناوچەیلیگ لە ناحیەی ئیسحاقی تا رەسێدە سنوور ناحیەی یەسرب جیوەجی بکەن.
عەزاوی ئاماژە کرد ک فرەی ناوچەیل سەڵاحەدین ئارامی وەخوەیان دوینن وەهیچ رووداویگ ئەمنی یا پەلاماریگ لە وەخت ویرانکردن گەوراترین مەفرەزەیل داعش لە ناوچەی سعلووە تۆمار نەکردنە.
