سەڵاحەدین.. دەسگیرکردن بکوشیگ دویای چەن ساعەتیگ لە تاوانەگە
![سەڵاحەدین.. دەسگیرکردن بکوشیگ دویای چەن ساعەتیگ لە تاوانەگە](https://media.shafaq.com/media/arcella/1629116080253.jpg)
شەفەق نیوز/ فەرماندەی پۆلیس سەڵاحەدین، ئمڕوو دووشەممە، راگەیان دەسگیرکردن بکوشیگ دویای چەن ساعەتیگ لە جیوەجیکردن تاوانەگەی لە باشوور پارێزگاگە.
راگەیانن فەرماندەگە لە بەیاننامەیگ رەسیە ئاژانس شەفەق نیوز وت: پۆلیس قەزای دجێل، ئمڕوو، توێنست کابرایگ دەسگیر بکەێد دویای سێ ساعەت لە مینەکردن.
وتیش کابراگە توومەتبارە وە کوشتن هاووڵاتییگ وەناو عەباس حەیان یاسین، و دیاری کرد ک تیمیگ لەلایەن ئەفسەرە پسپۆڕەیلە ئەرا ئی باوەتە دروس کریا.
دویای مینەکردن و گردەوکردن زانیاریەیل، هێزیگ توێنست دەسگیر تاوانبار عەلی محمد سەباح بکەێد ک ئاشکرای تاوانەگەی خوەی کرد وە هاندان توڵەکردنەوەی هووزانە.