زیقار داوا ئه‌كا، وێسگه‌يل كاره‌بایی پارێزگاگه ته‌واو بكريه‌ن تا 2300 میگاوات كاره‌با زیاگ بكا
زیاتر وتگه : پاریزگاگه‌ێ سه‌رله‌نو داوا ئه‌كا كاره‌یل ویسگه‌ێ غازی وه‌تواناێ 500 میگاوات ته‌واو بكریه‌ێ ك وه‌زاره‌ێ كاره‌با له ساڵ 2013 گرێبه‌سه‌گه‌ێ وه‌ل شه‌ریكه‌ێ هندی (BGR) ئمزا كردگه وه‌لێ تائیسه ته‌واو نه‌كریاگه.
باس ئه‌وه‌یش كردگه ، یه‌كلاوه كردن كار ئه‌و ویسگه‌یله و به‌رهه‌م هاوردن كاره‌با له لێان ئه‌توێه‌نی كیشه‌ێ كه‌می كاره‌با له پارێزگاگان ناوڕاس و باشور وڵات چاره‌سه‌ر بكا ، چوێن ئه‌گه‌ر ئه‌و ویسگه‌یل تازه بكه‌فنه كار ئه‌توێه‌نن زیاتر له 2300 میگاوات كاره‌با به‌رهه‌م بیه‌رن.
ناسری وه‌یه‌یش ئشاره كردگه ك ئداره‌ێ پارێزگاێ زیقار زه‌مین ئه‌ڕا دروس كردن ویسگه‌ێ قه‌رت یابانی ته‌رخان كردگه و سه‌رجه‌م نیازه‌یل دروس كردن ئه‌و دو ویسگه فه‌راهه‌م كردگه.
له بان یه‌یش جه‌خت كردگه ك پارێزگاێ زیقار نیاز وه پێشخستن كه‌رت كاره‌با و خاسه‌و كردن شه‌به‌كه‌یل به‌شه‌و كردن دێرێ ، له‌وه‌ر ئه‌وه‌گ زورم شه‌به‌كه‌یل پارێزگاگه كویه‌نه و وه‌كه‌ڵك نه‌مه‌نگه.
له بان یه‌یش جه‌خت كرد ك بایه‌د بووجه‌ی تایبه‌ت ئه‌ڕا كه‌رت كاره‌با له پارێزگاگه ته‌رخان بكریه‌ێ ، له ڕێ قه‌رته‌یل ناوده‌وڵه‌تی تا كیشه‌ێ كاره‌باێ مه‌ردم پارێزگاگه یه‌كلاوه بكرێه‌ێ.
پاریزگای زیقار له ساڵ 2006 ویسگه‌ێ غازی 500 میگاواتی وه‌رگردگه ك له چوار یه‌كه‌ێ به‌رهه‌م هاوردن پێك ئه‌یه‌ێ و هه‌ر یه‌كه‌ێگ 125 میگاوات به‌رهه‌م ئه‌یه‌ری ، وه‌لێ ویسگه‌گه له یه‌كێگ له ئه‌نباره‌یل شار ناسریه دانریاگه و كه‌س نازانێ ئه‌ڕا.
