زیقار ئاماریگ مەترسیدار وە کۆڕۆنا تۆمارکەێد

شەفەق نیوز/ سەرچەوەیگ لە تەندروسی زیقار، ئمڕو پەنجشەممە، خەوەردا لە تۆمارکردن ١١ مردن نوو وە ڤایڕۆس کۆرۆنا. سەرچەوەگە ئەرا ئاژانس شەفەق نیوز وت: هەمیش تووشهاتن ٢٦٢ کەس لە ماوەی ٢٤ ساعەت وەرین تومار کریا.
زیقار له‌ فرەترین پارێزگایه‌یل عراقە لە باوه‌ت تۆمارکردن تووشهاتگەیل ڤایڕۆسەگە وە شیوەیگ بەرزەوبوی.
لە پارێزگای نەجەف، تووشهاتن دکتۆر عەبدلعالی غەزالی وەڕیەوبەر شار پزشکی سەدر تۆمارکریا، و هەمیش عەلا شەیبانی وەڕیەوبەر نووسینگەی وەڕیەوبەر گشتی تەندروسی نەجەف وە ڤایڕۆس کۆرۆنا تووش هاتگه‌ ، وەگورەی سەرچەوەیگ پزشکی ئەرا ئاژانس شەفەق نیوز.
دویەکە چوارشەممە، لە بەرزترین رێژە لەوەخت بڵاوبوین پەتاگە لە وڵاتەگە، تەندروسی عراق ٧٩ مردن و ٢٢٠٠ تووشهاتگ نوو وە ڤایڕۆس کۆڕۆنا تۆمارکرد.