زيقار خوازيار دامه‌زرانن نه‌فتپاڵوو و ته‌ياره‌خانه‌يگه‌

ئه‌لغزى له‌ لێدوانيگ ئه‌را(شه‌فه‌ق نيوز)وت: دانيشتنيگ له‌ به‌غدا له‌ناونى فراكسيۆن زيقار و شانديگ له‌ حكومه‌ت ناوچه‌يى كرياگه‌ ئه‌را تاوتويكردن چه‌ن مه‌سه‌له‌يگ گرينگ ئه‌را پاريزگاگه‌و له‌وانه‌يش كاره‌باو خزمه‌تگوزارى و جيوازكردن ده‌سڵات له‌ واده‌ى خوه‌ى و فشارخستن له‌بان هه‌ردوگ وزاره‌ت نه‌خشه‌كيشان و دارايى ئه‌را جيگيركردن رينمايه‌يل جيوه‌جيكردن داين پويل وه‌ نه‌وبه‌ت و تاوتويكردن مه‌سه‌له‌ى كه‌مى ئاو ك پاريزگاگه‌ ناڵنيد وه‌پيه‌و.

ئه‌لغزى يه‌يش ده‌رخست ك له‌ هه‌مان دانيشتن باس له‌ هه‌ردوگ دوسيه‌ى دامه‌زرانن نه‌فتپاڵوو زيقار و ته‌ياره‌خانه‌ى ناسريه‌ى مه‌ده‌نييش كرياگه‌.