زه‌ويه‌له‌رزه له شاريگ عراقى هاومه‌رز ئيران روێدا
2019-08-01T10:37:19+00:00
شه‌فه‌ق نيوز/ ده‌سه‌ى كه‌شناسى و چه‌وديرى زه‌ويه‌له‌رزه، ئاشكراى تۆماركردن زه‌ويه‌له‌رزه‌ى سووكيگ كرد له قه‌زاى مه‌نه‌لى هاومه‌رز ئيران.
ده‌سه‌ى كه‌شناسى له به‌ياننامه‌يگ ئه‌وه ده‌رخست ك دويه‌كه ئيواره له سه‌عات 11:23:13 وه وه‌خت ناوچه‌يى چه‌وديره‌يلێ كه‌فتنه‌وه‌ى زه‌ويه‌له‌رزه‌يگ تۆمار كردنه له قه‌زاى مه‌نه‌لى/ دياله وه دويرى 4 كم له قه‌زاگه.
جى باسه، به‌ياننامه‌گه يه‌يش ده‌رخست ك ئه‌و زه‌ويه‌له‌رزه وه‌هيز 3.5 پله‌ى ريخته‌ر بويه‌و تائيسه‌يش هويچ زانيارييگ له‌بان زه‌ره‌ده‌يلى ئاشكرا نيه.
