"چزداین ئەلکترۆنی دویەتیگ".. فریاکەفتن توومەتباریگ لە بەغداد دەسگیرکەێد

شەفەق نیوز/ دەوریەەیل فریاکەفتن کندی یەکەم، سەر وە فەرماندەیی پۆلیس بەغداد رەسافە، ئمڕوو شەممە، راگەیان توومەتباریگ وە توومەت چزداین ئەلکترۆنی وەرانوەر دویەتیگ دەسگیرکریا.

سەرچەوەیگ ئەمنی وە ئاژانس شەفەق نیوز وت، "ئۆپراسیۆنەگە لەدویای ئەوەگ هات هاوڵاتیگ خەوەردار دەوریەیل کرد، خوەشکەزاگەی تویش چزداین هاتیە وەلایەن کەسیگ کە ناسێدی، هەرەشەی دەێد وە بڵاوکردن وینەیلی لەبان تووڕ کۆمەلایەتی  ئەگەر بڕە پویلیگ وەپی نەدەێد".

دیاریکرد، "تیمیگ کارکردن دروسکریا، کوڵەی تونیگ دانریا لەناوچەی جادەی فەلەستین، لە ئەنجام توومەتبار دەسگیرکریا لە لێکۆڵینەوەیل سەرەتایی دان وە تاوانەگەی دانایە".

وتیش؛ هێزە ئەمنیەیل توومەتبارەگە رادەس بنکەی پۆلیس کردنە ئەرا تەواوکردن رێکارەیل یاسایی وەرانوەری.