زەویلەرزەیگ دەێد لە دیالە
2023-10-09T10:08:12+00:00
شەفەق نیوز/ وەزارەت گواستنەوەی عراق، ئمڕوو دووشەممە، راگەیان کە زەویلەرزەیگ لە پارێزگای دیالە توومار کردیە.
وەزارەتەگە لە بەیاننامەیگ رەسیە ئاژانس شەفەق نیوز وت: روانگەیل زەویلەرزە لە دەسەی گشتی کەشناسی و زەویلەرزەناسی زەویلەرزەیگ شەوەکی ئمڕوو لە پارێزگای دیالە توومار کردن.
وتیش: هاز زەویلەرزەگە رەسیە ٤.٥ پلە نزیک سنوور عراق و ئیران وەدویری ١٧ کێلومەتر وەرەو باشوور خوەرھەڵات خانەقین.
وتیش: هەسکردن وە لەرزەگە لەلای بەشیگ لە دانیشتگەیل نزیک سنوورەگە بویە، و هویچ زەرەدیگ توومار نەکریاس.
