زیندان هەمیشەیی لەبان پیاویگ دەسدرویژی سێکسی لەبان دویەت ژنەگەی کردیە وەسێدارەدان ١٥ تیرۆرست لە زیقار
2023-01-02T15:17:44+00:00
شەفەق نیوز/ سەرچەوەیگ ئەمنی لە زیقار، ئمڕوو دووشەممە، خەوەردا ک دادگای نەهیشتن تاوانەیل فەرمان وەسێدارەدان لەبان ١٥ تیرۆرست لایەنگر ریخریاگ داعش دەرکرد، و هەمیش فەرمان زیندانیکردن هەتایی لەبان پیاویگ دەرکرد دەسدرویژی سێکسی لەبان دویەت ژنەگەی کردیە
سەرچەوەگە ئەرا ئاژانس شەفەق نیوز وت: دادگای نەهیشتن تاوانەیل زیقار فەرمان وەسێدارەدان ١٥ تیرۆرست دەرکرد ک لایەنگر ریخریاگ قاعیدە و داعش بوینە، لە تاوانبارکردنیان وە کارەیلیگ تاوانی لە چەن شوینیگ لە عراق.
دیاری کرد ک بڕیارەگە لەبان تاوانکارەیل لە بنەمای مادەی ٤ تیرۆر دەرچگە.
سەرچەوەگە وتیش: دادگاگە هەمیش فەرمان زیندانیکردن هەتایی لەبان کابرایگ دەرکرد دویای تاوانبارکردنی وە دەسدرویژکردن لەبان دویەت ژنەگەی لە پارێزگای زیقار.
