زیندانیکردن سەخت لەبان کابرایگ خوەی کردیەسە ژنیگ
2021-12-19T09:32:49+00:00
شەفەق نیوز/ دادگای تاوانەیل دیالە، ئمڕوو یەکشەممە، فەرمان زیندانیکردن سەخت لەبان تاوانکاریگ دەرکرد، ژنەیلە خەڵەتنێد و چزیان دەێد.
ئەنجومەن دادوەری باڵا لە بەیاننامەیگ رەسیە ئاژانس شەفەق نیوز وت: دادگاگە فەرمان چوار ساڵ زیندانیکردن سەخت لەبان تاوانکارەگە دەرکرد، لە تاوان چزداین دۊیەتیگ ئەرا پۊل، و بڵاوکردن وێنەیلی لەبان شۆسیال میدیا.
وتیش " تاوانبارەگە وەشیوەیگ ئەو دۊیەتە خەڵەتانیە، ک خوەی کردیەسە ژنیگ رەوحانی گوایە تواێد دەسمیەتیی بەێد، ئیجا هەڕەشەی وە بلاوکردن وێنەیلی داگە ئەگەر پۊل وەپی نەێد، وتیش: فەرمانەگە لەبنەمای فەرمانەیل مادەی 452 /1 لە یاسای سزایلە لەبان ئەو تاوانبارە هات.
