زیقار.. مردن کەسیگ وە رویداو هاتوچو و مناڵیگ وە دەوانچە داڵگی زەخمدار کەێد
2023-06-08T12:25:18+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو پەنجشەممە، خەوەردا لە توومارکردن شماریگ رویداو ئەمنی لە پارێزگاگە لەناویانیش زەخمداریبوین ژنیگ وە گولە.
سەرچەوەگە وە ئاژانس شەفەق نیوز وت" ژنیگ وە گولە دریاس لە سەری و زەخمداربویە لەئەنجام بازیکردن دەوانچە وەلایەن کوڕە سێ ساڵانەگەی لە ناحیەی تار باشوور شار ناسڕیە ناوەن پارێزگاگە"، دیاریکرد زەخمدارەگە ئەرا چارەسەر پێویست کلکریاس ئەرا خەسخانە.
سەرچەوەگە وتیش، " رویداو هاتوچو بویە هووکار پلیان ماشین پیک ئاپیگ لەبان ری ( ناسڕیە- بەسڕە) لە ئەنجام کەسیگ مرد و دووانیش زەخمدارن وە سەختی ئەرا چارەسەر ئەرا خەسخانە کلکریانە".
