زیقار.. قورتاربوین بیمارەیل شووردن گورچگ لە کەلەمی سەختیگ

شەفەق نیوز/ وەرپرسیگ لە فەرمانگەی تەندروسی زیقار، ئمڕوو سێشەممە، ئاشکرای قورتاربوین بیمارەیل بەش شووردن گورچگ لە خەسەخانەی حوسەین لە پارێزگاگە، لە کەلەمەیگ نزیکبوی گیانیان بسینێد.   

وەرپرسەگە ئەرا ئاژانس شەفەق نیوز وت: ئاگریگ لە ژوور کارەباگە لەناو بەشەگە لە خەسەخانە هیزگرد، و کارەباگە لەناوی بڕێد، وتیش: ئاگرەگە لەوەر بەرزەوبوین پلەی گەرمی بوی.  

دیاری کرد ک وەڕیەوبەرایەتی بەش شووردن گورچگ گشت بیمارەیل ئەرا ژووریگتر برد، تا لەوەر بڕین کارەبا گیانیان لەدەس نەیەن، وتیش: گشت بیمارەیل ئەورا پشت وەکارەبا بەسن لە شووردن گورچگ و ئاڵشتکردن خوین.  

وتیش: بەشەگە ئیسە وەتەواوی لەکار وسیاگە، و کۆمپانیای تایبەت دەسکردە خاسەوکردن کارەباگە.