زیقار شمارەیگ "رخبەر" لە تویشهاتن مناڵەیل ئۆتیزم توومار کەێد
وەڕێوەبەر رێکخریاگەگە عەلی ناشی وە ئاژانس شەفەق نیوز وت، "شماڕەی تویشهاتگەیل بیماری ئۆتیزم و ئەوانەگ وە فەرمی توومارکریایە لە فەرمانگەی تەندروسی زیقار رەسیە ئەرا 460 تویشهاتن مناڵ، باوجی شمارەی گشتی لای بنکەیل تایوەت توومارنەکریایە هاتێ لەناوچەیل دویرەدەسە سێ هەزار حالەت رەدبکەێد".
وتیش، "بەرزەوبوین شمارەی تویشهاتگەیل وە بیماریەگەمەترسیەیگ لەبان ئایندەی کومەڵگەی ناوخوەی زیقار دروسکەێد" وتیش "هووکاریگ راستەوخوەی ئەرا تویشبوین وەپی هەس وەرد هووکارەیل ناراستەوخوەی ترەک".
وتیش، " هووکارەیل راستەوخوەی زەواج ناخاڵەیل و هووکارەیل کیمیایی رۆڵ دوینن لە بڵاوبوین بیماریەگە و وەرنەگردن ڤاکسینەیل تایوەت وە خوەی مناڵەگە لە موقەی زگپڕی و زاین".
دیاریکرد "هووکارەیل ناراستەوخوەی بریتیە لە وەکارهاوردن تووڕەیل کۆمەڵایەتی، و وەجیهشتن مناڵ لە شوینیگ وە تەنیا وە لایەن داڵگ و باوگەو یان بیبەش کردنیان لە پەیوەنی دروسکردن وەرد دەوروگەرد"
وتیش؛ "بیماری ئۆتیزم لە پارێزگاگە فرەتر تویش مناڵە کوڕەیل بوود، وە جویریگ لە هەر چوار مناڵیگ کوڕ تویشبوی وە بیماریگە وەرانوەری یک دویەت تویشبوی هەس".
