زیقار...خوەنیشاندەرەیل گەماڕۆی دامودەزگایەیل حکومەت دەن و داوای خزمەتگوزاری و ئازادکردن دەسگیرکریایەیل کەن
2024-03-20T10:06:58+00:00
شەفەق نیوز/ سەدان کەس لە قەزایەیل فەهود و ئیسلاح لە پارێزگای زیقار باشوور عراق، ئمڕوو چوارشەممە، خوەنیشاندان کردن ئەرا داواکاری خزمەتگوزاری و ئازادکردن دەسگیرکریاگەیل وەلایەن هێزە ئەمنیەیل.
پەیامنێر ئاژانس شەفەق نیوز راگەیان، خوەنیشاندان گەپیگ لە قەزای ئیسلاح خوەرهەڵات شار ناسڕیە ناوەن پارێزگاگە رێکخریا ئەرا داواکاری ئازادکردن هاوڵاتیەیل قەزاگە کە وەلایەن هێزە ئەمنیەیل دەسگیرکریانە لە کۆتا ئۆپراسیۆن ئەمنی لە ئیسلاح، هەمیش داواکەن دەرچگەیل یاسا بخرێنە چوارچمگ ئەو پلە دیاریکریاگە کە سەرۆک وەزیرەیل بڕیاردا ئەرا خوەنیشاندەرەیل پارێزگاگە.
وتیش، لە قەزای فەهوود خوەنیشاندانیگ لەناوڕاس قەزاگە کریا و دامودەزگا حکومیەگان دەورە دریان و لەنوای دەرەیلیان چەرخ ئاگردان ئەرا داواکاری خزمەتگوزاری.
