زیقار.. خنکیان گەنجیگ و رزگارکردن دویەتیگ لە خوەیکوشتن
2023-07-04T07:21:41+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە دراوردن تەرم گەنجیگ لە چەن فورات ناوڕاس شار ناسریە.
سەرچەوەگە ئەرا ئاژانس شەفەق نیوز وت: گەنجیگ لە تەمەن ١٦ ساڵان، خەڵک پارێزگای بەسرە لەناو چەم فورات نزیک پیەڵ نەسر ناوڕاس شار ناسریە مەوقەی تەقەلای چاشیان مەلەوانی خنکیا، وتیش؛ دەزگایل ئەمنی تەرم گەنجەگە دراوردن و ئەرا پزشک دادوەری کلی کردن.
سەرچەوەگە وتیش: ژنیگ لە تەمەن ٣٥ ساڵان خەڵک گورمەت بەنی سەعید باشوور پارێزگای زیقار، وە خواردن بڕ فرەیگ لە حەپ پزشکی تەقەلای دا خوەی بکوشێد، و دیاری کرد ک کەسوکارەیلی رزگاری کردن و بردنەی ئەرا خەسەخانە، ک وتن؛ زیان لە بیماری دەروینی دیرێد.
