زیقار.. تووشهاتن ٣٢ پزشک وە کۆڕۆنا
2021-02-24T09:45:44+00:00
شەفەق نیوز/ سەرچەوەیگ پزشکی لە فەرمانگەی تەندروسی زیقار، ئمڕوو چوارشەممە، ئاشکرای ژمارەی پزشکە تووشهاتگەگان وە ڤایڕۆس کۆڕۆنا لە پارێزگاگە کرد.
سەرچەوەگە ئەرا ئاژانس شەفەق نیوز وت: ژمارەی پزشکە تووشهاتگەگان وە ڤایڕۆس کۆڕۆنا لە پارێزگای زیقار رەسیە ٣٢ پزشک، فرەیان خریانە ناوەندە تەندروسیەگان ئەرا چارەسەرکردنیان، و ئاماژە کرد ک لەناو تووشهاتگەگان پزشکەیلیگ گەورا و ناودارەیلیگ لە ئاست عراق هەس.
سەرچەوەگە دیاری کرد ک ئەو تووشهاتگەیلە ک خریانە ناو ناوەندە تەندروسیەگان ژمارەیان ١٧ پزشکە، و نزیکەی ١٥ پزشک لەناو ماڵەیل خوەیان چارەسەری وەرگرن چوونکە بیماریەگەیان سووکە.
