زیقار.. بازیکردن وە چەک چوودە خوینی مناڵیگ و پەلامار ماڵ وەرپرسیگ
![زیقار.. بازیکردن وە چەک چوودە خوینی مناڵیگ و پەلامار ماڵ وەرپرسیگ](https://media.shafaq.com/media/arcella/1628940204796.jpg)
شەفەق نیوز/ پارێزگای زیقار، ئمڕوو شەممە، چەن رووداویگ ئەمنی تۆمار کرد، زاقتریان کوشیان مناڵیگ و زەخمداری دوو کەس وە مرافەیگ هووزانە.
سەرچەوەیگ ئەمنی ئەرا ئاژانس شەفەق نیوز وت: دوێەت مناڵیگ لە تەمەن ١٢ ساڵان وە بازیکردنی وە چەکیگ لەناو ماڵیان لە قەزای داوودیە لە باکوور پارێزگای زیقار گیانی لەدەسدا.
و دیاری کرد ک هێزیگ ئەمنی تەرم قوربانیەگە وەرەو پزشک دادوەری برد، و لێکۆڵینەوەیگ واز کرد.
لەلاییگ تر، سەرچەوەگە دیاری کرد ک مرافەیگ هووزانە لە ئاوای ئال رەمەزان لە قەزای سوارە قومیا، و بویە هووکار زەخمداری دوو کەس.
وتیش؛ هێزیگ ئەمنی چواردەور شوین رووداوەگە گرد، و زەخمدارەیلە وەرەو خەسەخانە بریان.
هەر لیوا، سەرچەوەگە وتیش؛ ماڵ گاتع نەجمان جەلود پەرلەمانتار وەرین، لە قەزای رفاعی کەفتە وەر تەقەکردن لەلایەن نەناسریایلیگ.
ودیاری کرد ک پەلامارەگە نەویە هووکار هیچ زەخمدارییگ، و زەرەدەیلیگ رەسانە ماڵەگە، و پەلاماردەرەیلە وەرەو شوین نادیاریگ واین.