زەرەدەیل گەورەن.. ئاگر دوکانەیلیگ بازرگانی لە واست سزنێد

شەفەق نيوز– واست

سەرچەوەیلیگ ئەمنی، ئمڕوو چوارشەممە، خەوەردان لە هیزگردن ئاگر گەورەیگ لە گەڕەک پیشەسازی لە شار کوت ناوەند پارێزگای واست، کە بویە مدوو زەرەدەیل گەورەیگ و ویرانکردن شمارەیگ لە دوکانەیل بازرگانی.

 سەرچەوەیل وتنیش: تەقەلایل تیمەیل وەرگری شارستانی نەهیشتن ئاگرەگە بڕەسێدە شوینەیلیگ ترەک، دووپاتیش کرد کە لێکولینەوە ئەرا رەسین وە بندروس رویداوەگە وەردەوامە.