زەخمداری چوار ئەفسەر وە رویداو هاتوچو لە باشوور عراق

شەفەق نیوز/ سەرچەوەیگ ناوخوەیی، ئمڕوو پەنجشەممە، خەوەردا لە زەخمداری چوار ئەفسەر  ک فەرمانبەرن لە وەزارەت ناوخۆ، یەکیگیان پلەی بەرزیگ دیرێد وە رویداویگ هاتوچو لە باشوور بەغدای پایتەخت.

 سەرچەوەگە وە ئاژانس شەفەق نیوز وت، ماشینیگ ک ئەو چوار ئەفسەرە ک یەکیگیان پلەی عەمید دیرێد، ئمڕوو نیمەڕوو، پلیایە لە بان ری مابەین بابل بەغداد نزیک ناحیەی ئسکەندەریە، لە باشوور بەغدا، بویە هوکار زەخمداری جیاوازیان.

ئاشکەرایکرد، هیزەیل ئەمنی ئەفسەرەیلە ئەرا خەسخانەی نزیکیگ کلکردنە، هوکار رویداوەگە لە دەسدان کۆنترۆل رانندەگە بویە.