زەخمداری وکوشیان وە تەقەکردن لە کەربەلا و بەغداد

شەفەق نیوز/ سەرچەوەیلیگ ئەمنی، ئمڕوو سێشەممە، خەوەردا لە زەخمداری وەڕێۆبەر شارەوانی کەربەلا وە گولە لەمەوقەی لاوردن پێشێلکارییگ لە نزیک زانکۆی سەفوە لە پارێزگاگە.

سەرچەوەیلە ئەرا ئاژانس شەفەق نیوز وتن: دەسدریژی لەبان ئەندازیار عەبیر وڕێۆبەر شارەوانی کەربەلا و دووان لە فەرمانبەرەیل شارەوانی لەلایەن چەن کەسیگ کریا لە مەوقەی لاوردن پێشێلکاریەیلە لەبان ری حوڕ لە نزیک زانکۆی سەفوە.

وتنیش؛ وەرەو خەسەخانە رەوانە کریان و تا ئیسە رەوش تەندروسییان نادیارە.

هەرلیوا، چەکدارەیلیگ تەقە وەرەو کابرایگ مەدەنی لە مەوقەی رەدبوینی لە ناوچەی سەبع قسور خوەرهەڵات بەغداد پایتەخت کردن ک وە کوتپڕ بویە هووکار کوشتنی.

وەگورەی سەرچەوەیلە: رووداوەگە لەوەر ناکۆکیەیلیگ هووزانە بویە.