زەخمداری و مردن ١٢ کەس وە رووداوەیلیگ لە دیالە و کەرکوک
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە زەخمداری و مردن 12 کەس وە رووداو هاتوچو لە پارێزگایەل کەرکوک و دیالە.
سەرچەوەیگ ئەمنی لە دیالە وە ئاژانس شەفەق نیوز وت: مەدەنیگ گیان لە دەسدا وە رووداو وەیەککیشان لە رێ خانەقین جەلەولا نزیک بەنزینخانەی خەلیفە باکور خوەرئەڵات پارێزگاگە، ماشین فریاگوزاری تەرمەگە ئەرا پزشک دادوەری بردیە.
لە رووداویگتر لە دیالە، هەمان سەرچەوە وت: گەنجیگ گیان لە دەسدا لەوەر کیشان ماتورەگەی وە پایەی کارەبا لە ئاوای (کوتی) لە دەوروبەر قەزای خاڵس باکور خوەرئەڵات بەعقوبە، تەرم قوربانیەگە ئەرا خەسخانە کلکریایە، دەسڵاتدارەیل هاتووچوی لێکۆلینەوە لە رووداوەگە واز کردن.
لە کەرکوک، سەرچەوەیگ ئەمنی وە ئاژانس شەفەق نیوز وت: ئمڕوو شەوەکی لەڕی کەرکوک-داقوق باشوور پارێزگاگە سەر وە ئەو ری ناودەوڵەتیە ک بەغدای پایتەخت وە کەرکوک بەسێد، پلخواردن ماشینیگ لە جوور پرادۆ بۊیە هووکار مردن دو کەس و زەخمداری دو کەستر.
هەر لە کەرکوک.. دو کەس گیان لە دەسدا وسێ کەس زەخمدار بۊی لە ئەنجام رووداو هاتوچو دۊیای وەریەککەفتن ماشینیگ ک 5 سەرنشین ئەڵگردۊێد وەرەو بەغدا ئەچووی.
وەگورەی سەرچەوە ئەمنیەیلە، ماشینیگ وە تانکەریگ کیشایە لەبان ری کەرکوک و داقوق لە قەزای دوزخورماتوو و دیاریکرد تیمەیل وەرگری شارستانی ئەرا قورتارکردن زەخمدارەیل و قوربانییەیل خوەیان رەساننە.
هەر لە کەرکوک..کەسیگ زەخمداربۊی لە ئەنجام رووداو لە مابەین دو ماشین لە جور پاس کۆستەر و ئەوەکەیتر نیسان، وەرانوەر پەیمانگەی تەکنیکی لە پارێزگاگە وەگورەی سەرچەوەگە رانندەی کۆستەرەگە زەخمدارە.
