٨ زەخمدار وەجەنگ مرافە لە نەینەوا و کەرکوک
2021-08-20T07:50:57+00:00
شەفەق نیوز/ وەچەودیەلیگ ئمڕوو جمعە، خەوەردان لە کەفتن زەخمدارەیلیگ لەوەر جەنگیگ هووزانە لە باشوور قەزای مەخموور.
وەگورەی وەچەودیەیلە؛ ململانەیگ چەکدار کەفتە ناوبەین دوو هووز لە ئاوای عوسیجەی سەروە مەخموور و چەک سووک و ناوڕاس لەناوی وەکار هاوریا.
وەچەودیەیلە وتنیش؛ ئەو ململانە بویە هووکار زەخمداری هەفت کەس.
لە کەرکوکیش؛ سەرچەوەیگ ئەمنی ئەرا ئاژانس شەفەق نیوز وت: یەک کەس لەوەر جەنگیگ وە چەک زەخمدار بوی.
سەرچەوەگە دیاری کرد ک جەنگ و مرافەیگ کەفتە ناوبەین دوو گەنج لە ناوچەی رەحیم ئاوا، و گەنجیگ وەناو (س ، ف) زەخمدار بوی، ک خوەی کار دویرمانی کەێد لە ناوچەگە
سەرچەوەگە وتیش؛ پۆلیس کەرکوک لێکۆڵینەوەیگ لە رووداوەگە واز کرد، و هیچ لە گەنجەیلە دەسگیر نەکریا، و زەخمدارەگە وەرەو خەسەخانە بریا.
