زەخمداری وە تەقین سێ بومب دانریاگ لە باکوور خوەرئاوای کەربەلا

شەفەق نيوز/ سەرچەوەیگ ئەمنی،  ئمڕوو شەممە،  خەوەردا لە زەخمداری کابرایگ مەدەنی و دوو ئەندام ئەمنی،  وە تەقین سێ بومب دانریاگ لە ناوچەی خەنافسە، لە کار جورف سەخەر، لە باکوور خوەرئاوای پارێزگای کەربەلا.

سەرچەوەگە ئەرا ئاژانس شەفەق نیوز وت: سێ بومب دانریاگ لە کەرت فەوج سێیەم سەروە پۆلیس کەربەلا لە ناوچەی خەنافسە تەقینەو.

و دیاری کرد ک یەکەم بومبەگە لەبان دەوریەی پۆلیس فەوج سێیەم تەقیەو، و بۊیە هووکار زەخمداری ئەندامیگ ئەمنی، و دۆەمەگە، تەقیە بأن تراکتۆریگ و بۊیە هووکار زەخمداری رانندە مەدەنیەگەی، و سێیەمەگە لەناو چادەگە تەقیەو، وەبی هیچ زەرەدیگ.