زەخمداری هاندەریل وەرزشی وە رویداو هاتوچو لە باشوور عراق
2023-01-19T07:55:57+00:00
شەفەق نیوز/ سەرچەوەیگ ئەمنی لە زیقار باشوور عراق، ئمڕوو پەنجشەممە، خەوەردا لە زەخمداربوین شمارەیگ هاندەر وەرزشی وە رویداو هاتوچو نزیک پارێزگاگە.
سەرچەوەگە وە ئاژانس شەفەق نیوز وت: رویداویگ هاتوچو دویەشەو رویدایە لە سنوور ناحیەی فەزیلە لە باشوور پارێزگای زیقار لە مابەین پەنج ماشین مەدەنی ک هاندەرەیل یانەی عراق هاوردیە ئەرا پارێزگای بەسرە، لەئەنجام هەشت کەس تویش زەخمداری جویراوجویر بوین.
سەرچەوەگە وتیش، زەخمدارەیلە ئەرا خەسخانە کلکریانە، رەدیکریەێد ئەوەگ بڕیگ لە دەزگایەیل راگەیانن و تووڕ کۆمەڵایەتی مردن لەلیان راگەیاننە.
